Një i ri nga Arizona e gjeti veten në telashe pasi bëri sikur u rrëmbye për të shmangur shkuarjen në punë.

Policia në qytetin Coolidge, mori një raport për një burrë që qëndronte i shtrirë në rrugë me duart e lidhura. U dërgua një makinë policie e cila shpejt raportoi se ata vërtet kishin gjetur një djalë të ri që dukej se ishte i lidhur nga rruga, transmeton portali arbresh.info

“Viktima” u identifikua si Brendon Souls, një 19-vjeçar i cili i tha policisë se ishte rrëmbyer nga dy burra të maskuar. Ai tha se ata e goditën atë në kokë pas së cilës ai ra të fikët dhe u zgjua atje ku policia e gjeti atë. Por , kjo nuk ishte e vërtetë, “raporton Oddity Central.

Policia njoftoi se u krye një hetim i plotë dhe u gjetën prova që historia e tij ishte e trilluar dhe se nuk kishte asnjë rrëmbim ose sulm.

Pasi i riu u morr në pyetje, ai pranoi përfundimisht se e tërë historia ishte e sajuar.

Ai tha se dëshironte me dëshpërim të mos shkonte në punë, kështu që vendosi të falsifikonte vetë rrëmbimin e tij. Ai ia futi shaminë e thërrmuar në gojë, pastaj i lidhi duart pas shpinës me një rrip lëkure. Ai doli në rrugë ku dikush mund ta shihte dhe priti që policia ta “shpëtonte”.

Shtatë ditë pas kësaj ngjarje, Souls u arrestua për paraqitjen e raporteve të rreme në polici. Ai më pas u pushua nga puna nga kompania ku punonte./arbresh.info/